السلام عليكم ورحمة الله وبركاته
كثير من الوالدات قيصري تدور في رؤسهم اسئله كثير عن نظام القيصري في النفاس وبعد مابحثت في النت جمعت لكم اكبر قدر من المعلومات وهو مجهود شخصي ارجو منكم الدعاء ان الله يسهل ويسر ولادت اللي بتكون قيصري وينفعنا بما نقرئه من معلومات :
1-محتاجه راحه اكثر علشان الجرح
2-القيصري تمشي يوميا لو كل ساعه خمس دقايق عشان العمليه وعشان الغازات تطلع من البطن بس ماتتحرك كثير علشان ماتصاب بالبعج
3-تبتعد عن اي شي يسبب غازات بالبطن
4-زي ماسمعت ان ( الأعشاب بعد عشرة أيام من العملية) 5-القيصري تمشي يوميا لو كل ساعه خمس دقايق
6- ماتشرب الحليب لمدة 12 يوم لانه يسبب غاازات لكن استخدموا حليب المراعي لاكتوفري ، ما يسبب غازات أبد ..
7-وتشرب الزنجبيل وعلى الريق تاخذ لها ملعقة عسل
8-أذا نامت على جنبها تحط مخده تحت جنبها راح يريحها كثير
9-لاتشيل ثقيل تنتبه على جرحها
10-إذا تروشت تجلس على كرسي عشان ماتدوخ تلبس ملابس داخليه واسعه أكبر من مقاسها مرتين
11-افضل شي ان يكون الاكل كله سوائل يعني مرقة وشربات وسلطات فيها زيت زيتون والخبز بكون بر والاكثار من شرب العصائر الطبيعية وخاصة البرتقال عشان لا يجي للوحدة امساك وهي بطنهامخيط علشان ماينفتح الجرح من الامساك
12-الإهتمام بالعمليه واستخدام المسحات الطبيه واحيانا بالبيتادين
لانه ربما تفك الخيوط من الداخل
ماتلبس مشدات على البطن على الاقل لين بعد شهرين ثلاثه
16-تحاولي ماتنامي على بطنك لانو بالاربعين الجرح طري
17-ادهني راسك بزيت دافى معه حبه بركه نص طحنه وحطيها على فى منتصف الراس كل صبح لمدة اسبوع ولا راح يدخلك هواءباذن الله
18-انتبهي من الرطوبه على الجرح دايم جففيه وخليك بجو مكيف على طول
19-بنسبه للشور حاولي تحطين عليه كيس عشان مايتبلل واذا جيتي تنامين اللبسي بجامه وتركي بطنك مكشوف بعد ماتعقمينه وتغطي بشرشف كذا يتهوا لك ويجف الجرح
20-اخذي لك مره وانقعيها بمويه وخليها ثقيله وفي اليوم مرتين امسحي عل الجرح اول شي مسحه طبيه بعدها بقطنه بلليها مره وامسحي عل الجرحمن براوخلي جرحك دائما جاف مو رطب والاهم تجنبي العطور
-لا تكثرين جلوس حاولي ترقدين كثير عشان يلتئم الجرح .
23-الجرح -اللي يطلع منها خراج او صديد فهو نتيجة التهاب من عطورات قويه شميتيها لازم تروحين للمستشفى يعصرون الجرح ويطلع لك الخراج عشان مايضرك
-- المشي ممتاز للغازات .
30-- الفلفل والزنجبيل والرشاد حاره والحوار يسبب التهاب الجرح. سوا خياطه او عمليه فتح بطن