دروس سريعة في الفصالة التقليدية المعصرنة

السلام عليكم و رحمة الله و بركاته
كنتمنا تكونو بالف خير انشاء الله.
كنعطي دروس في الفصالة التقليدية والفصالة التقليدية لي داخل فيها العصري يعني بحال لي كنشوفو دبا في المجلات والدفيليات.الدروس لي كنعطي هي دروس اكسيليغي يعني البرنامج لي كيديرو المدارس في سنتين كنعطيه في ضرف شهرين على الاكثر حيث كندير غير الباترونات الاساسية ومكانضيعش الوقت فالخياطة او المكينة .ولحد الساعة البنات لي تعاملت معاهم اما كتكون سيدة بغات تدير مشروع الخياطة التقليدية لي داخل فيها هادشي ديال العصري وماعندهاش الوقت باش تقيد فمدرسة والالتزام باستعمال الزمن ديالهم او كتكون سيدة بغات غير تعمر الفراغ ديالها وتشد فيديها الحرفة.....كنعلم كل وحدة بوحدها او مع فريق لي كيتكون على الاكثر من 4 ديال البنات وكندير لكل وحدة 4ساعات اسبوعيا او حسب ضروفها حيث كاينات سيدات لي كيجيو من عندي من خارج كازا او خارج المغرب.وكنلتزم بواحد الحاجة جد مهمة فنضري وهي ان كل بنت جديدة كنلاقيها مع البنات لي ديجا تعلموعندي وكتحضر معاهم فالدرس ديالهم وتسولهم باش يعطيوها فكرة على برنامجي و باش تتأكد هي بنفسها اني مهانضيعلهاش وقتها وانها هاتقدر بفضل من الله تحط اي موديل تشوفو ومع الايام هاتقدر تحط تصاميم بنفسها.
البرنامج لي كندير في البداية كنعطي دروس في التقليدي(جلابة قفطان جبادور تكشيطة....)وكنمشي للعصري(كورساج بجميع انواعو:12موديل ديال الامام و4موديلات ديال الضهر)وكل موديل ديال الكورساج كنعطي فيه مثل فاللباس التقليدي العصري وفي كل مرة كنعطي كول او كم جديد)(col chale.col americain,col officiè...)(manche de base,manche avec des frocnces,manche balon....) وكنعطي باترونات السروال بجميع انواعو(بات ديليفو.سليم.قندريسة.سروال سندباد.والادان...)وحتا الجيبات كنعطي 8انواع(كودي.10بانو.كلوش....)وكنعطي حتاcaftan avec manche raglan,chauve souri et kimono.....
الثمن
1personne:100dh/heure
2personnes:65dh/heure
3personnes:50dh/heure
4personnes:45dh/heure
اي استفسار انا في الخدمة

jiti b3ida 3la agadir

مشي مشكل اختي كيجيو عندي بنات من مدن بعيدة و حتا من دول اخرى وتقدري يلا كنت مهتمة بطبيعة الحال تجي تحضري حصة او زوج حصص ونعطيك كتاب فيه جميع دروس محضراه بنفسي و نبقاو على اتصال اما فالامسن او فوني